生日飯大餐,蒸海鮮鍋專門店
CP值超高海鮮餐,有時令新鮮產地送貨既青口,刀貝,鮑魚,一夜干,龍蝦~
自己買料都食唔到咁多豐富海鮮~超值!
一定要預訂,WALKIN無咩位~超爆場呢!
店員會先幫我地消毒餐具,再送上海鮮盤比我地打卡影相先
再每一款海鮮由佢幫忙蒸煮
每一款海鮮既時間都唔同,全程不用自己落手,由專人服務~
有韓國蠔,肉鮮濃香,蠔味突出~
日本紅蝦,野生大蝦特別鮮味,肉質細緻帶甜味
蒸鮑魚仲吸引,新鮮架!爽甜彈牙,完全唔洗落醬汁,鮮中之鮮
野生青口好少見,一般都係用凍貨,青口鮮味都唔錯,
白大刀貝,本身咸鮮重海水味~味道偏濃!!
食到最後仲有龍蝦同蟹,龍蝦上一刻仲係活既,5分鐘後就已經食得~
估唔到香港都食到咁好食既海鮮蒸鍋
最後就係蒸蔬菜和海鮮粥底
一個人500蚊就可以食到好飽好滿足,食到唔同既海鮮,超值呢~
評分8.5/10
服務好,態度好,專人處理食材
蟹仙海鮮私房．蒸氣石碢 (環海大廈) Crab Fairy (Universal Mansion)
尖沙咀天文台圍2號環海大廈2期地舖
