做一日香港遊客!本地遊最熱門之選!遠離市區享受山水之美
大澳水鄉係香港既現存小漁村,自從某電視劇集令佢再次爆紅
我地都襯熱鬧去行下去散步,交通可以由東涌坐巴士直達,約50分鐘車程
屯門人可以係碼頭坐船,要留意船期!
大澳而家因應本地遊興起,多左好多餐廳同打卡位,例如彩色壁畫!係今期最熱門!
大涌橋係大澳既地禁,藍色既顏色特別突出,上IG見到好多人都係度影相
特別之處係可以吊起收橋係活動式橋!
另外仲可以係碼頭位坐船,$30蚊一位,睇白海豚,不過經驗黎計,好難睇到!
呢度仲有好多海味鋪,想買埋漁民自家出品呢度價錢都幾抵買架!
如果你仲想行遠D,可以行過去大澳文物酒店參觀,係一個警署改建而成
有9間客房,我都有住過,遲D同大家分享下!
呢度食物最出名就係茶果財叔同埋沙翁 都係而家市區好少見到既特色食品!仲要係每日新鮮製造!
茶果有咸有甜,幾蚊一隻!好平好抵食!炸好即上糖,蛋味香,糖有沙沙口感!
仲要超級大墨魚食,一碗$50 口感彈牙,鮮味十足,只係用最簡單滷水去煮!原汁原味~
仲有行山路線係初級班既大澳虎山紅橋,全程行完都只要30分鐘左右!睇日落最美呀!
地址－大澳 香港新界大嶼山西部
環境／設施－山水美景
特色－遠離市區,空氣清新,放假本地遊首選
人均價格－$200
評分－8/10
