林公子生活遊記: 【FACE】人人都係雪花姨美圖秀花黑洞眼

【FACE】人人都係雪花姨美圖秀花黑洞眼	1,656
建立時間: 1125 18:30

美圖秀秀小心位 1)修臉瘦身，宜用淨色地 2)放大瞳孔，唔好太大貪 3)人手美白，記得塗埋頸（設計圖片）

法老級亞姐宮雪花早兩日po咗幾張美圖秀秀修圖，對黑洞眼半夜見到真係嚇死人，後來仲有人發現佢執相修幼個身，執到背景條金屬扶手都變攣，笑到肚都攣。被封為美圖秀花的花姨後來就同傳媒講，話發明得Photoshop同美圖秀秀執相app，唔用好浪費，其實花姨活用新科技的心態，記者非常支持，但用都要用得醒目先得！

唔計佢將自己對眼夾硬推到好似羅茲威爾外星人咁大（向ATV史前節目《今日睇真啲》致敬呀？），用神奇修身執相時，最大忌就係配上複雜背景，最終實會搞出整彎扶手呢類樣衰情況。另外，人手局部美白皮膚時，記得唔好單單推瞼，仲要推埋頸同手，否則就好似搽粉底唔記得搽頸一樣，兩截色好可怕，即時用葉劉淑儀議員同其他名人圖片來一場美圖大改造，效果啱唔啱睇先？

《FACE》官網 http://facemag.hk

《FACE》fb http://www.facebook.com/facemaghk

《FACE》ig http://www.instagram.com/facemagazine

original原圖	使用web版美圖秀秀，能更準確控制眼睛放大功能。（xiuxiu.web.meitu.com）	原想幫葉太換過冇咁霸氣的髮型，可惜背後有張畫，四四方方一推就彎，最易穿崩，大忌。
開完玩笑，幫葉太平反！其實佢早排客串電影《失戀急讓》張宣傳海報都有執，微微執大眼有神氣、美白效果唔過火，影得佢好和善呀。	花姨早前發布幾張美圖秀秀修圖，半夜見到真係嚇死人。後來仲有人發現佢修身修到金屬扶手變攣，笑到肚都攣。	少爺占自稱「宮雪占」玩美圖大眼自拍，抽到太平洋都乾。
周庭：女神對眼放大少少就夠，玩埋美白、髮色、修臉。（設計圖片）	周永康：連埋對眼鏡一齊放大，超爆笑。（設計圖片）	梁振英：唔使開放摩大輪畀人任玩啦，玩你張咪仲減壓，不要網絡23條呀！（設計圖片）
AKB48渡邊麻友：此例證明本身就算靚，夾硬整大對眼都一樣會搞到變妖獸。（設計圖片）