旺角超平粥品專門店!南龍粥店
今晚早收出到旺角搵食,好多間都要排隊!見到南龍唔洗排,直接坐低睇下有咩好先!
呢度好多野食,主打粥麵類!仲有蒸腸粉炒麵等等
見到餐牌一碗艇仔粥只要$20試佢! 另外加多12蚊要埋炒麵一份
埋單32蚊有一大碟炒麵同足料靚粥,平到好誇張!
講返粥料,粥底棉而香滑夠米香 明火靚粥底 加魷魚肉碎花生等唔同配料,份量非常足!
將粥底同食材拌勻啖啖都食到肉碎,$20呢個水準超值!
炒麵夠熱,有蔥芽菜,超級大碟,加少少辣椒醬同芝麻食更加香口!
性價比超高 2個人埋單$32無加一仲要無最底消費
南龍粥店 旺角
地址： 旺角旺角花園街1號鴻禧大廈3 號
消費$32
評分7/10
