https://www.mrlamsan.com/2021/06/BBQQ.html
朋友約食飯
呢一間有2個商場,都會站/彩明商場
商場內多數都係連鎖店
呢間今日唔洗排隊,門口填紙仔入座
坐低叫左個和牛牛舌勝燒餐
包括韓牛前胸肉,牛小排,大八爪魚
護心肉,和牛牛舌,豬梅花肉,大啡菇
包韓式小菜前菜,泡菜最好食
坐低開爐,芝士粟米,泡菜蛋邊
再黎前菜小菜沙律
沙律係芝麻醬沙律,夠清爽
泡菜可追加,好食,辣中帶甜,唔會死辣
海帶都好食,麻油芽菜就麻麻啦
牛肉拼盤上菜
份量十足,非常豐富
韓牛前胸肉,油香肉味俱全,香嫩肉軟,最岩燒食
份量有4片,燒一分鐘左右可以食
牛小排,肉質鮮美,油花分佈平均,肉質柔軟
肥嫩結合柔軟口感,同樣用作燒肉最佳
護心肉油分不多,帶點彈牙口感,幾嫩滑
牛舌口感札實,彈牙,嫩中帶爽脆,好食!
豬梅花肉,豬肉味最濃既部份
鮮嫩香之餘,就算全熟肉質也不會變柴
八爪魚原隻燒,食起黎肉鮮有肉汁
出奇地好食
