adsense

新增旅遊群組讀者交流分享資訊
↓按此加入
日本wifi 低至$13!(機場取還)
網絡覆蓋讓你玩盡全國
上下載速度高達40Mbps/15Mbps
台灣wifi 低至$13!(機場取還)
https://goo.gl/MNrGdu
韓國wifi 低至$13!(機場取還)
https://goo.gl/QxQ5hH

24小時櫃檯服務,讓你行程無憂


2020年10月17日星期六

高水準小菜 小炒 打邊爐 屯馬線 鑽石站 新蒲崗 美食大攻略 陳儀興玫瑰餐廳 大廚出馬食物味道出色 蜜椒金薯牛柳粒 避風塘粟米 椒鹽魷魚 黃藍 滷水 打冷 火鍋

 
https://www.mrlamsan.com/2020/10/GAA.html
https://www.tripadvisor.com.hk/ShowUserReviews-g294217-d15527881-r774673794-Rose_Restaurant_Chenyixing-Hong_Kong.html?m=19905
https://www.instagram.com/p/CGdncUxByXR/
https://girlssss.com/42621/kasang0728/

屯馬線開線後,鑽石站就熱鬧起黎
鑽石站附近一帶既美食亦都多人關心了
由地鐵站行10分鐘就到新蒲崗
非常方便,這邊小店選擇多,水準都相當出色
當中更加有不少本身已經非常受歡迎
今次要介紹既小店就係陳儀興玫瑰餐廳
睇報導講,師傅係以前曾經在名店工作過
自己跳出黎開業,唔洗一年已經做起左
深受當區食客歡迎,晚晚爆場
打邊爐係主打,但其實佢既小菜都係有水準
兩個人,叫左三款小菜一個白飯
飽到幾乎要CALL的士返屋企!!
椒鹽鮮魷 $98 /避風塘粟米$68
蜜椒金薯牛柳粒$78
基本上都係份量大大碟,料又多,夠獲氣
避風塘粟米$68
滿滿既料頭,洋蔥,金蒜,蔥,辣椒,蒜頭
未食已經風味十足,最重要係炒得夠乾身
唔會成碟都係油,呢D先係真功夫
粟米走過油,每件粟米都吸飽濃辣香氣
入味輕微帶點辣,粟米既甜中和左辣椒既勁
終於食到期待已久既招牌小菜,送酒一流
呢度都係比較多男人黎,佬既客人為主
呢D咁重口味就岩曬
蜜椒金薯牛柳粒$78
拋下書包,聞說呢種煮法係源自剩菜
將食剩既炸薯角同肉粒加醬汁炒成
慢慢就演化成而家呢個版本
係好多出名既小菜店都一定有呢款菜式
但呢度只賣$78,佢比足一塊牛扒既份量你!
睇牛柳粒既樣,應該係由一片片既牛扒切成粒
份量食落應該最少有250克至300克
而且用既牛肉都係相當高質素食材
脂肪少,肉質多,牛肉厚身有肉味
薯仔外脆內軟,牛柳粒肉質有彈性
每粒食材都掛滿蜜糖同黑椒既濃香甜蜜
可配油,亦岩下飯,第一時間就掃清.鑊氣十足
所以話,香港廚師幾時都有頭腦,一樣食材變出幾十款唔同做法
椒鹽鮮魷 $98
食小炒又點會走得甩椒鹽鮮魷
食素既朋友就可以考慮椒鹽豆腐
呢D咁考功夫既小炒當然唔可以錯過
薄薄既一層炸脆衣,灑上濃郁既椒鹽咸香
加上金蒜碎,簡單美味
顏色金黃,食既時候仍然熱騰騰 乾身香口
炸得香脆,魷魚鮮味十足,價錢合理
難怪深得食客推薦~
最初以為會食唔曬,由於太好味,2個人都掃清
十分開胃,忘掉了什麼叫減肥了
新蒲崗爵祿街33A-37A號百勝工廠大廈地下
33A-37A Tseuk Luk Street, Victorious Factory Building, San Po Kong


LinkWithin

Related Posts Plugin for WordPress, Blogger...