呢排十一黃金周假期，強國同胞最鐘意趁機出去兜個圈，日本當然係其中一個選擇啦，今日（10月2日）有網民喺facebook群組「又飛啦旅人團 by flyagain.la」po相，見到一大班強國遊客，喺日本機場排長龍等入境，仲有一大堆強國人喺日本狂掃藥物、電器、珠寶，仲將包裝紙掉到周圍都係嘅相。
不過強國網民似乎唔覺得咁做好唔妥，話「這種侵略，除了香港，誰都應該很高興啊」、「又給日本送錢去了！笑開花了！」「加油加油，用錢把安倍砸到認錯」。真係一副「要是沒有中央政府，你們完蛋了」嘅態度囉。
見到強國人鬧香港，香港網民當然反擊啦，留言話「cctv一邊高叫抗日，國民一邊去爆買」、「一個月唔夠嘅時間先抗戰乜乜又話抵制日本，又華麗轉身」、「睇留言中国人真係玻璃心。買野（嘢）好似打救你一樣。最好唔好黎（嚟）香港，都係個（嗰）幾個%GDP」、「香港人要哭了！！！已經避你哋避到去日本，你又跟住來......仲可以避到去邊？」
強國講到日本仔咁鐘意做佢哋生意，唔知日本會唔會有范太之流，叫人包容吓呢？
圖片來源：Hebe Lam/「又飛啦旅人團 by flyagain.la」facebook群組
