網民熱話：請人設計兼髹油 食飯當酬勞捱轟 豐富早餐、午餐、下午茶、甜品等代替吧

繼早前網傳有保險公司以500元請人製作3段「上太空」宣傳片，被網民炮轟「離晒地」後，近日又有一間工作室負責人打算以「請食飯」當酬勞，要一名freelance（自由工作）藝術家，為新開張工作室內4道門和3幅牆畫畫，遭大批網民狠鬧當藝術界是乞丐。

facebook專頁「Artist都要食飯」上傳一張Whatsapp截圖，指一間工作室的設計師打算以請吃飯當酬勞，要一名自由工作者為其新開張的工作室粉飾一番，需要設計4道大門和3幅大牆，並包括髹油。截圖中可見該工作室的設計師稱「難諗（酬勞）唔緊要，或者就以豐富早餐、午餐、下午茶、甜品等代替吧」。當對方開價1.5萬元後，客戶即坦言沒如此多預算。

不少網民都大鬧「離晒譜」，為被壓價壓到變成請吃飯的自由工作者悲哀，有人調侃「淋紅油都要一千啦」，也有人批評同為藝術設計界人士，為何「相煎何太急」，出手如此低，也難怪外人會壓榨業界人士。另有人諷刺該名開設計室的客戶是在找貼錢做義工的人，慨嘆「車錢都拎唔返」，又表示只是買顏料、工具的車費，都夠吃幾十個早餐。

網民有話說

Steven Leung：即刻潑油啦！

林橙：就算個all day breakfast（全日早餐）值兩三千，我都只要錢！

Dove Yuen：連晚餐都唔講出嚟......真係慳到咁。

涂東東：好多人以為藝術家，設計師，電腦工程師唔洗食飯、供樓、養屋企人。

龍妹：你哋話「Artist（藝術家） 都要食飯」嘛，佢咪請你食囉，食吖！300x250 : 728x90 : 160x600 : 320x50 : 300x250 : 728x90 : 160x600 : 320x50 : 300x250 : 728x90 : 160x600 : 320x50 : 300x250 : 728x90 : 160x600 : 320x50 : 300x250 : 728x90 : 160x600 : 320x50 :