坐廉航就要無尊嚴? 有比錢連最基本服務都唔可以要求?
要任人魚肉不可作聲? 袋住先袋上腦?
學阿SA話,我有比你X架!
我唔會要求你比額外服務
我要求你比返最合理正常的服務!
點解都唔可以????
呢幾日班班機大DELAY
但係我唔會怪人
呢D係天氣問題
有某間航空公司DELAY足XX小時
但呢XX小時,完全無人理
連基本通知都完全無
好了,默默地等到上機
去到當地機場關閉了,無曬交通出去
佢安排一班巴士
同機客人去到想上巴士竟然不讓我們上車
一班機1XX人,只安排一班巴士讓4份1人上巴士
我想講,你咁樣做對其他客人好唔公平
大家都有比錢,既然你安排左巴士
同一班巴士既人都應該可以坐
但你竟然分類日本人優先,我覺得間野真係好離譜
訓機場唔係問題,但你應該一視同仁,一係就大家都無車坐
無理由只準小部份人坐,真係無野好講