innity_adZone3

AD

adsense

新增旅遊群組讀者交流分享資訊
↓按此加入
日本wifi 低至$13!(機場取還)
網絡覆蓋讓你玩盡全國
上下載速度高達40Mbps/15Mbps
台灣wifi 低至$13!(機場取還)
https://goo.gl/MNrGdu
韓國wifi 低至$13!(機場取還)
https://goo.gl/QxQ5hH

24小時櫃檯服務,讓你行程無憂


2014年11月1日星期六

【慌張西望】點解我唔用得美圖秀秀先? 宮雪花

【慌張西望】點解我唔用得美圖秀秀先?

16,214
建立時間: 1125 18:53

1
當我從App Store下載美圖秀秀呢個比塔利班同689更邪惡嘅App後,一切已經返唔到轉頭。

因我知道,世上已經唔會再有人明白我。你哋唔會明白,一個普通不過嘅免費美顏app,對一個普通不過嘅女人,仲要係上咗年紀嘅女人,象徵意義到底有幾大。

見你班友笑我執到個樣似外星人、似智障,仲話連側邊欄杆都執到攣,我真係心都實埋,直情覺得你要同我道歉。點解我畫畫你唔寫,我有雙碩士學位你唔寫,我用美圖秀秀你就偏要寫?唔通你寫潮文呃LIKE就得,我執靚相呃LIKE就唔得?

好啦,你問我點為之靚?我真係唔想用例子答你。Angelababy個下巴?楊怡個鼻?G.E.M.個嘴?定關心妍對眼呀?真係膚淺。
靚定唔靚,在乎兩個字,自信。唔係話對素顏有冇自信,唔係話對擺甫士有冇自信,而係你有冇自信執到連自己都認唔出自己。

每一張相,都經過磨皮美白、袪斑袪痘、瘦臉瘦身,都係經過漫長嘅試煉。
每一張都有佢嘅歷史、佢嘅編號、佢嘅修改日期、同佢嘅故事。冇玩過美圖秀秀,淨係一味嘲笑人嘅,識條春咩。
少爺占、Donald同陳嘉桓惡搞美圖秀秀究竟為乜?就好似班政府高官同CCTVB膠層咁,搵嚟搞囉!

我恨時間唔可以返轉頭。講真,自問阿姐三十年前,個樣都見得吓人,呢類App(如果有)望都唔會望一眼,對整容變臉更嗤之以鼻。今日,我選擇用美圖秀秀執相,其實係一種執着,係對自信嘅執着。既然Hello Kitty唔係貓、姆明唔係河馬、6886唔係9889,蠱惑仔同差佬可以身份對調,點解我唔用得美圖秀秀先?

呢個moment,我發覺有人同我一樣玩緊美圖秀秀。我望住佢,佢望住我。我哋互相點點頭。我好感動,原來呢個世界仲有人係同我有相同諗法。佢自我介紹,叫宮雪花。



撰文:杜秋棠@抽水站
https://www.fb.com/freakingwestlook 
【賭王93歲】準備神秘禮物賀老竇 何猷啟:Plan咗個幾兩個月
【短片】【平行雪花時空】藝人狂抽水 喪玩美圖秀秀 陳嘉桓挑戰「Master花」
即like《蘋果日報》FB!

LinkWithin

Related Posts Plugin for WordPress, Blogger...